سیٹی بجے گی، کھیل جمے گا، پاکستان سپر لیگ 8 کا آغاز آج سے ہوگا

کراچی(اسپورٹس ڈیسک)انتظار کی گھڑیاں ختم ہوئیں۔ پاکستان کے سب سےبڑے کرکٹ میلے پاکستان سپرلیگ 8 کا آغاز آج پیر13فروری سے ہورہا ہے ۔

پی ایس ایل سیزن 8 کی رنگا رنگ افتتاحی تقریب ملتان کرکٹ اسٹیڈیم ہوگی۔ پہلا ميچ دفاعی چيمپيئن لاہورقلندرز اورملتان سلطانز کے درميان رات 8بجے  کھيلا جائے گا۔

افتتاحی تقریب میں گلوکار ساحرعلی بگا، عاصم اظہر، فارس شفیع، شائے گل اور آئمہ بیگ آواز کا جادو جگائيں گے۔اس موقع پر آتش بازی کا بھی شاندار مظاہرہ کیاجائے گا

افتتاحی تقریب میں اے آراوروی آرٹیکنالوجی کااستعمال کیا جائے گا، ٹی وی شائقین کوکرکٹ گراؤنڈ کے اندر سے گرافکس نکلتی دکھائی دیں گے۔ افتتاحی تقریب میں ڈرون ایل ای ڈی سے آسمان میں تصاویر بنائی جائیں گی۔

ایونٹ کے میچز ملتان، کراچی، لاہور اور راولپنڈی میں کھیلے جائیں گے، ہر ٹیم 10 میچز کھیلے گی۔ چار ٹیمیں پلے آف مرحلے میں جائیں گے۔ ایونٹ میں شریک تمام ٹیمیں ایک ایک بار ٹرافی جیت چکی ہیں۔

19 مارچ کو قذافی اسٹیڈیم میں ٹرافی اٹھانے والی ٹیم کو 12 کروڑ روپےکاچیک بھی ملےگاجبکہ رنزاپ کے حصے میں 4 کروڑ اسی لاکھ روپے آئیں گے