پیٹرولیم مصنوعات کی قیمت میں 22 روپے سے زائد کا اضافہ

اسلام آباد(اُمت نیوز) رات گئے عوام کےلئے ایک اور بڑی خبر،پیٹرول 22 روپے 20 پیسے فی لیٹر مہنگا کردیاگیا ۔
تفصیلات کےمطابق ہائی سپیڈ ڈیزل 17 روپے 20 پیسے فی لیٹر مہنگا کر دیا گیا ہے ،مٹی کا تیل 12 روپے 90 پیسے فی لیٹر مہنگا،لائٹ ڈیزل آئل 9 روپے 68 پیسے فی لیٹر مزید مہنگا کیا گیا ہے
، وفاقی حکومت کی جانب سے مٹی کے تیل کی قیمت میں 12 روپے 90 پیسے کا اضافہ کیا گیا ہے۔
اضافے کے بعد پیٹرول کی نئی قیمت 272 روپے ہو گئی ہے جبکہ ہائی سپیڈ ڈیزل 280 اور لائٹ سپیڈ ڈیزل 196 روپے 68 پیسے کا ہو گیا ہے۔
مٹی کے تیل کی نئی قیمت 202 روپے 73 پیسے ہو گئی ہے۔ وفاقی حکومت کی جانب سے جاری اعلامیے میں کہا گیا ہے کہ نئی قیمتوں کا اطلاق رات 12 بجے کے بعد ہو جائے گا۔