Ummat News Latest Urdu News in Pakistan Politics Headlines Videos
اسلام آباد: الیکشن کمیشن آف پاکستان (ای سی پی) نے لاہور ہائی کورٹ کی ہدایت پر قومی اسمبلی کی 27 نشستوں پر ہونیوالے ضمنی انتخابات کو روک دیا ہے۔
ای سی پی کے نوٹیفکیشن کے مطابق 27 جنرل نشستوں پر انتخابات اگلے نوٹس تک نہیں ہوں گے، الیکشن کمیشن نے لاہور ہائیکورٹ کے احکامات کی روشنی میں پی ٹی آئی کی 5 خواتین ایم این ایز کی رکنیت بھی بحال کردی۔
تاہم اسلام آباد کے تین حلقوں میں ضمنی انتخابات آئندہ ماہ کی 16 تاریخ کو ہوں گے۔
نوٹیفکیشن میں مزید کہا گیا کہ وفاقی دارالحکومت کے حلقے این اے 52، 53، 54 اسلام آباد کیپٹل ٹیریٹری میں واقع ہیں اور مذکورہ حلقوں پر لاہور ہائی کورٹ کے فیصلے کا اطلاق نہیں ہوتا۔
