پی ایس ایل:کراچی کنگز کی ایک اور شکست۔ پشاور زلمی کی 24 رنز سے کامیابی

راولپنڈی (اسپورٹس ڈیسک)پاکستان سپر لیگ کے اہم میچ میں پشاور زلمی نے کراچی کنگز کو 24 رنز سے شکست دے دی

کراچی کنگز کی ٹیم 198رنز ہدف کے تعاقب میں 8 وکٹوں پر 173 رنز بناسکی  ۔اوپنر میتھیو ہیڈ نے 41 گیندوں پر 53 رنز بنائے ۔کپتان عماد وسیم آخرتک مزاحمت کرتے رہےمگر وہ اپنی ٹیم کو کامیابی نہ دلاسکے ۔ عماد وسیم نے 30 گیندوں پر 57رنز اسکور کئے

ان کے علاوہ کراچی کا کوئی بھی کھلاڑی جم کر بیٹنگ نہ کرسکا اور کراچی کی وکٹیں وقفے وقفے سے گرتی رہیں

پشاور زلمی کی طرف سے عظمت اللہ عمرزئی اور عامر جمال نے 3۔3 وکٹیں حاصل کیں ۔مجیب الرحمان کےحصے میں 2 وکٹیں آئیں ۔

اس سے قبل  کراچی کنگز نے ٹاس جیت کر پشاور زلمی کو پہلے بیٹنگ کی دعوت دے دی۔پشاور زلمی نے پہلے کھیلتے ہوئے 5 وکٹوں پر 197 رنز بنائے

پشاور زلمی کا آغاز اچھانہ تھا اورصرف 2 کے مجموعی اسکور پر اس کی 3وکٹیں گرگئیں۔ دونوں اوپنر کپتان بابر اعظم اور محمد حارث صفر پر آؤٹ ہوئے ۔ صائم ایوب بھی ایک رن بنا کر چلتے بنے ۔تینوں وکٹیں محمد عامر نے حاصل کی

تاہم اس کے بعد حسیب اللہ اور ٹام کوہلر نے دھواں دھار بیٹنگ کی ۔ حسیب اللہ صرف 29 گیندوں پر 50رنز بناکر آؤٹ ہوئے۔ٹام کوہلر 56رنز پر ناٹ آؤٹ رہے

رومین پاول نے بھی 34گیندوں پر 64رنز کی طوفانی اننگز کھیلی

محمد عامر نے 4وکٹیں حاصل کی، ایک وکٹ تبریز شمسی کے حصے میں آئی