وہاب ریاض کے ہاں ننھے مہمان کی آمد

لاہور(اُمت نیوز)مشیر کھیل پنجاب اور قومی ٹیم کے فاسٹ باؤلر وہاب ریاض کے ہاں ننھے مہمان کی آمد ہوئی ہے۔
سماجی رابطے کی ویب سائٹ ٹویٹر پر اپنے ٹوئٹ میں وہاب ریاض نے لکھا کہ الحمدللہ اللہ تعالیٰ نے مجھے بیٹے سے نوازا ہے۔
اپنے والد کو خراج تحسین پیش کرتے ہوئے انہوں نے لکھا کہ میری زندگی میں سکندر کی واپسی ہوئی ہے، جب سے میں پیدا ہوا ہوں سکندر میری زندگی کا حصہ رہا ہے اور رہے گا۔
وہاب ریاض نے مزید لکھا کہ ابو جی میں آپ سے بہت پیار اور آپ کو بہت یاد کرتا ہوں۔