بھارتی طیارے میں دوران پرواز بچھونے خاتون مسافر کو کاٹ لیا

ممبئی(انٹرنیشنل ڈیسک)بھارت کی ائیرلائن ائیر انڈیا کے طیارے میں بچھو  نے دوران پرواز خاتون مسافر کو کاٹ لیا۔جسے اسپتال لے جانا پڑا

بھارتی میڈیا کے مطابق بچھو کے خاتون کو کاٹنے کا واقعہ ائیر انڈیا کی ناگپور سے ممبئی جانے والی پرواز میں 23 اپریل کو پیش آیا۔

ائیرپورٹ پر اترنے کے بعد خاتون کا معائنہ کیا گیا اور اسپتال میں علاج کے بعد خاتون کو ڈسچارج کردیا گیا۔

بھارتی ائیرلائن کے مطابق طیارے کا مکمل معائنہ کر کے بچھو کو تلاش کرلیا گیا اور جہاز میں فیومیگیشن بھی کی گئی ہے۔

اس سے قبل بھارتی ایئرلائن کے طیاروں میں سانپ، چوہے اور پرندے ملنے کے واقعات بھی ہو چکے ہیں۔