پاکستان کرکٹ بورڈ کے چیئرمین کا انتخاب ملتوی

لاہور(امت نیوز) پاکستان کرکٹ بورڈ کے چیئرمین کا انتخاب بلوچستان ہائی کورٹ کے فیصلے کے بعد ملتوی کیا گیا ہے۔ پی سی بی کے چئیرمین کے لئے الیکشنز کل پی سی بی ہیڈکوارٹر میں ہونے تھے،نجم سیٹھی اور مینجمنٹ کمیٹی کی مدت ختم ہونے کے بعد پیٹرن انچیف نے دو نمائندوں کو انتخابات کے لئے منتخب کیا تھا۔

وزیر اعظم پاکستان نے ذکاء اشرف اور مصطفی رمدے کا نام چیئر مین کے لئے دیا تھا،قائم مقام چیئر مین پی سی بی شہزاد رانا نے 27 جون کو الیکشنز کروانے کا اعلان کیا تھا۔