ایمرجنگ ایشیا کپ ،سری لنکا اے کی اومان کو 217 رنز سے شکست

کولمبو (اُمت نیوز ) اے سی سی ایمرجنگ ایشیا کپ میں سری لنکا اے نے اومان اے کو 217 رنز کے بڑے مارجن سے شکست دے دی۔
کولمبو میں کھیلے گئے ایونٹ کے 10ویں میچ میں سری لنکا اے نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 259 رنز بنائے، پاسندو سوریابنڈارا نے 75 بالوں پر 60 رنز کی بہترین اننگ کھیلی، ساہان اراچیگے 48 اور لستھ کراسپولے 42 رنز کے ساتھ نمایاں رہے۔
اومان کی طرف سے عاقب الیاس نے 4 کھلاڑیوں کو پویلین کی راہ دکھائی۔
ہدف کے تعاقب میں اومان اے کی ٹیم 17.1 اوورز میں صرف 42 رنز پر ہی ڈھیر ہوگئی، اوپنر کشیپ پراجاپاتی نے18 اور سورج کمار نے 10 رنز بنائے جبکہ اومان کا دیگر کوئی بیٹر ڈبل فگر میں بھی داخل نہ ہو سکا۔
فاتح ٹیم کی جانب سے چمیکا کرونارتنے نے 3 جبکہ دنوتھ ویلالاگے، پرامود مدوشان اور سماراکون نے دو، دو وکٹیں حاصل کیں