سردار طارق مسعود قائم مقام چیف جسٹس سپریم کورٹ تعینات

اسلام آباد: چیف جسٹس آف پاکستان جسٹس قاضی فائز عیسیٰ کی بیرون ملک روانگی کے سبب جسٹس سردار طارق مسعود کو قائم مقام چیف جسٹس تعینات کردیا گیا۔ وزارت قانون نے جسٹس سردار طارق مسعود کا قائم مقام چیف جسٹس پاکستان کا نوٹیفکیشن جاری کردیا۔صدر مملکت نے آئین کے آرٹیکل 180 کے تحت جسٹس سردار طارق مسعود کی بطور قائم مقام چیف جسٹس تقرری کی منظوری دی۔

چیف جسٹس پاکستان قاضی فائز عیسیٰ آئندہ ہفتے سے موسم سرما کی تعطیلات میں بیرون ملک جائیں گے۔ جسٹس قاضی فائز عیسیٰ کا دورہ 14 روز پر مشتمل ہوگا، ان کی جگہ جسٹس سردارطارق مسعود دو ہفتوں تک ذمہ داریاں سر انجام دیں گے۔