ٹی ٹوئنٹی سیریز : پاکستان کرکٹ ٹیم ہملٹن پہنچ گئی

ہملٹن(اُمت نیوز)ٹی ٹوئنٹی سیریز کے لیےپاکستان کرکٹ ٹیم آکلینڈ سے ہملٹن پہنچ گئی۔
تفصیلات کے مطابق پاکستان اور نیوزی لینڈ کے درمیان دوسرا ٹی ٹوئنٹی میچ کل اتوار کو ہملٹن میں کھیلا جائے گا۔
خیال رہے کہ گذشتہ روز نیوزی لینڈ نے پہلے ٹی 20 میچ میں پاکستان کو 46 رنز سے شکست دے دی تھی،

نیوزی لینڈ نے پہلے بیٹنگ کرتے ہوئے پاکستان کو جیت کے لیے 227 رنز کا ہدف دیا تھا جس کے تعاقب میں گرین شرٹس 180 پر آل آؤٹ ہو گئی۔

پاکستان کی جانب سے اوپنر صائم ایوب 27، محمد رضوان 25، فخر زمان 15 اور افتخار احمد 24 رنز بناکر آوٹ ہوئے۔ ان کے علاوہ کوئی کھلاڑی خاطر خواہ کارکردگی کا مظاہرہ نہیں کرسکا۔