زرداری نے کراچی کوکھنڈر،شہبازنے لاہورکوروشنیوں کا شہربنادیا،احسن اقبال

نارووال: مسلم لیگ (ن) کے رہنما احسن اقبال نے احسن اقبال لورز فورس سے اظہار خیال کرتے ہوئے کہاہے کہ مسلم لیگ (ن) کا پروگرام خوشحالی نوجوانوں کے بہتر مستقبل کا پروگرام ہے،بلاول بھٹو صاحب کو دعوت ہے کہ آپ ہمارے قائد اور جماعت پر تنقید کرنے سے پہلے اپنی کارکردگی کا جائزہ لیں، آپ اپنے لاڑکانہ کا مقابلہ نارووال سے کر لیں، آپ کے پاس پچھلے 15 سال سے سندھ کی حکومت ہے ، زرداری نے کراچی کو کھنڈرات کا شہر بنا دیا گیا۔

احسن اقبال نے کہا کہ ن لیگ کو 10 سال پنجاب کی حکومت ملی، شہباز شریف نے 2008 سے 2018 تک لاہور کو روشنیوں کا شہر بنا دیا، آج کوئی لاہور والا یہ نہیں چاہتا کہ لاہور کراچی بنے لیکن کراچی کا ہر شہری چاہتا کہ کراچی لاہور بنے۔