شفاف الیکشن ناممکن، لیکن وقت پر ہوں گے، اعتزاز احسن

وزیرآباد: عام انتخابات پاکستان میں ہر صورت ہونگے ،جس پر مجھے یقین ہے کہ الیکشن وقت پر ہونگے ،پاکستان میں کوئی بات غیر یقینی نہیں ہوتی ،جب چیف جسٹس نے انتخابات کے بارے میں کہا ہے تو پھر پتھر پر لکیر ہے کہ الیکشن2024بر وقت ہونگے ،پاکستان پیپلزپارٹی زور شور سے الیکشن کمپین میں اتری ہے ۔ان خیالات کا اظہار سنیئر رہنما پاکستان پیپلزپارٹی اعتزاز احسن نے وزیرآباد کے دورہ کے موقع پر کیا ۔اس موقع پر نائب صدر پنجاب پی پی پی اعجاز احمد سماں ودیگر کارکنان بھی موجودتھے ۔

انہوں نے کہا کہ شیر کل لاہور میں دو تین گھنٹے کے لئے نکلا تھا اس نے گاڑی کا آدھا شیشہ کھول کر باہر دیکھا میرے خیال سے شیر کو سردی لگی ہوئی ہے ،مریم بی بی کے جلسے تو با لکل ڈید جارہے ہیں، شفاف الیکشن نا ممکن ہیں نواز شریف اپنی سطح پر وزیراعظم بنے بیٹھے ہیں انہیں وزیراعظم بناکر پیش کیا جارہا ہے پاکستان میں مستقبل کے بارے میں کچھ نہیں کہا جاسکتا ۔چیئرمین بلاول بھٹو زرداری الیکشن کمپین کے سلسلہ میں ملک کا دورہ کررہے ہیں ۔