کراچی : باپ نے 3 بچوں سمیت خود کو آگ لگا لی

 

کراچی (اُمت نیوز)شہر قائد میں افسوسناک واقعہ پیش آیا جہاں نیو کراچی فائیو سی فور گراؤنڈ میں باپ نے تین بچوں سمیت خود کو آگ لگا لی، تمام افراد کو زخمی حالت میں اسپتال منتقل کردیا گیا۔

تفصیلات کے مطابق عارف نامی شخص نے بچوں کو گھر کے قریب گراؤنڈ میں لے جا کر خود سوزی کی کوشش کی۔

آگ سے جھلس کر باپ اور تین بچے شدید زخمی ہوئے جنھیں اسپتال منتقل کیا گیا۔انتہائی قدم اٹھانے والا شہری عارف فروٹ کا ٹھیلا لگاتا ہے۔

پولیس کا کہنا ہے کہ جھلسنے والے بچوں کی حالت تشویش ناک ہے۔

عارف کے سوتیلے بیٹے امان کا کہنا ہے کہ جھلسنے والے بچوں کی والدہ کا 8 ماہ قبل انتقال ہوگیا تھا، تینوں بچے اور سوتیلا والد عارف ہمارے ساتھ ہی رہتے تھے۔

امان نے مزید بتایا کہ گھرمیں کھانا کھانے کے بعد وہ بچوں کو لیکر نیچے اترے، والد نے یہ انتہائی قدم کیوں اٹھایا، ہمیں نہیں معلوم۔