لاہور ہائیکورٹ کے ججز کو خطوط وصول کروانے والے پوسٹ مین کا معصومانہ جواب

لاہور ہائیکورٹ کے ججز کو خطوط وصول کروانے والے پوسٹ مین کا بیان سامنے آگیا۔

لاہورہائیکورٹ کے ججز کو خطوط وصول کروانے والا پوسٹ مین سامنے آگیا، لاہور ہائیکورٹ کو محمد عاطف نامی پوسٹ میں نے خطوط وصول کروائے۔

پوسٹ مین عاطف نے کہا کہ میں تو معمول کے مطابق خطوط وصول کرواتا ہوں، مجھے کیا پتہ خطوط میں کیا ہے۔

دوسری جانب لاہور ہائیکورٹ نے جج صاحبان کے نام پر آنے والے خطوط سے متعلق نئے ایس او پیز مرتب کرلیے، تمام کوریئر کمپنیز اور پوسٹ مین کے لیے ہر قسم کے خطوط سیکیورٹی روم میں چیک کروانا لازمی قرار دیا گیا ہے۔

ہائیکورٹ انتظامیہ کا کہنا ہے کہ جج صاحبان کے نام پر آنے والے خطوط کا پہلے ڈی ایس پی سیکیورٹی معائنہ کریں گے، ڈی ایس پی سیکیورٹی معائنہ کے بعد خطوط جج صاحبان کے اسٹاف آفیسر کو بھجوائیں گے۔