بنگلہ دیشی آرمی چیف کا عبوری حکومت بنانے کا اعلان

ڈھاکا: بنگلہ دیشی آرمی چیف نے ملک میں عبوری حکومت بنانے کا اعلان  کردیا۔

بنگلہ دیش کے آرمی چیف جنرل وقارالزمان نے ڈھاکا میں پریس کانفرنس کرتے ہوئے کہاکہ بنگلہ دیش کو مخلوط حکومت کے ذریعے چلایا جائے گا، بنگلہ دیش کے تمام فیصلے فوج کرے گی،بنگلہ دیشی عوام کو یقین دلاتا ہوں مطالبات پورے کیے  جائیں گے۔

آرمی چیف نے کہاکہ عوام سے پرامن رہنے کی اپیل ہے، عوام پر بھروسہ رکھیں حالات ٹھیک ہو جائیں گے۔

جنرل وقار الزمان نے کہاکہ مظاہروں کےد وران ہوئی ہلاکتوں کی تحقیقات کریں گے،انہوں نے کہاکہ ہم ملک میں امن واپس لائیں گے،عوام پرتشدداقدامات سے دور رہیں،صدر سے جلد ملاقات کروں گا،آج رات تک مسائل کا حل تلاش کرلیا جائے گا۔