پی آئی اے کا سعودی عرب کے لیے کرایوں میں بڑی کمی کا اعلان

اسلام آباد:پاکستان انٹرنیشنل ایئر لائنز نے کرایوں میں بڑی کمی کا اعلان کردیا۔

پی آئی اے نے کراچی سے جدہ اور مدینہ کے لئے کرایوں میں 30 فیصد کمی کردی ہے۔ قومی ایئر لائن نے کراچی سے جدہ اور مدینہ کے لئے یک طرفہ کرایہ 56 ہزار بشمول ٹیکس کر دیا جبکہ دو طرفہ کرایہ 88 ہزار بشمول ٹیکس کر دیا ۔

ترجمان پی آئی اے کا کہنا ہے کہ رعایتی کرائے فوری طور پر نافذ العمل ہوں گے جن کے ٹکٹ 31 اگست 2024  تک جاری کرائے جا سکیں گے۔ ترجمان نے مزید کہا کہ رعایتی کرائے پر 30 ستمبر 2024 تک سفر کیا جا سکے گا۔

ترجمان پی آئی اے کے مطابق رعایتی کرایوں سے پاکستان سے مدینہ منورہ جانے والے عمرہ زائرین بھی مستفید ہوسکیں گے۔