یوٹیلٹی اسٹورز پر چینی 13روپے فی کلو سستی

اسلام آباد: یوٹیلٹی اسٹورز کارپوریشن نے چینی 13روپے فی کلو سستی کردی ۔

ذرائع کاکہنا ہے کہ چینی کی قیمت میں کمی کا اطلاق فوری طور پر کیا جائے گا، یوٹیلٹی اسٹورز پر چینی کی نئی قیمت 140روپے فی کلو مقررہو گئی۔

ذرائع  کے مطابق ابتک یوٹیلٹی اسٹورز پر چینی 153روپے کلو مل رہی تھی،یوٹیلٹی سٹورز نے شوگر ملز چینی کی قیمت کم کرنے کی درخواست کی تھی،شوگر ملزمالکان نے فروخت کی گئی چینی پر یوٹیلیٹی سٹورز کو 17روپے فی کلو کمی کی،ذرائع کا مزید کہنا ہے کہ شوگر ملز مالکان سے ری بیٹ لینے کے بعد یوٹیلٹی اسٹورز نے چینی سستی کی۔

ذرائع کاکہنا تھا کہ یوٹیلٹی اسٹورز نے 12ہزار میٹرک ٹن چینی کی خریداری کی تھی،یوٹیلٹی اسٹورز نے 137روپے فی کلو کے حساب سے چینی خریدی تھی،اخراجات ملا کر کارپوریشن کو چینی تقریباً152روپے فی کلو میں پڑی تھی۔