وائٹ ہاؤس کے قریب فائرنگ، سیکیورٹی اہلکاروں پر آتش گیر مادے سے حملہ

واشنگٹن ڈی سی میں وائٹ ہاؤس کے قریب مسلح شخص کو گولی مار دی گئی۔

عالمی میڈیا کے مطابق سیکرٹ سروس نے مشکوک مسلح شخص پر فائرنگ کی ہے جس سے وہ زخمی ہو گیا۔ مشکوک زخمی شخص کو اسپتال منتقل کر دیا گیا ہے۔

فائرنگ کےوقت صدرڈونلڈٹرمپ وائٹ ہاؤس میں نہیں تھے۔ پولیس کو اطلاع ملی کہ ایک شخص خودکشی کے ارادے سے موجود ہے۔

سیکرٹ سروس نے بتایا کہ واقعہ اتوار کی صبح پیش آیا جب اطلاع ملی کہ ایک شخص جو واشنگٹن ڈی سی میں آتشیں اسلحے کے ساتھ موجود ہے اسے خفیہ سروس کے افسر نے گولی مار دی۔

امریکی میڈیا کے مطابق مسلح شخص کو سیکورٹی اہلکاروں نے جھڑپ کے دوران زخمی کیا، سیکورٹی اہلکار مسلح شخص کے قریب پہنچے تو اس نے آتشیں گیر مادہ بھی پھینکا۔

میڈیا رپورٹس کے مطابق حملہ آور پیدل تھا، وائٹ ہاؤس سے 5 منٹ کی دوری پر نشانہ بنایا گیا، واقعے کے وقت صدر ڈونلڈ ٹرمپ وائٹ ہاؤس میں نہیں تھے۔

یہ شخص، جس کے بارے میں خیال کیا جاتا ہے کہ انڈیانا سے سفر کر رہا تھا، مقامی پولیس نے سیکرٹ سروس کو ممکنہ خودکشی کے خطرے کے طور پر بتایا تھا۔