دہلی کی وزیر اعلیٰ قاتلانہ حملے میں زخمی، ملزم گرفتار

نئی دیلی : دہلی کی وزیراعلیٰ ریکھا گپتا پر قاتلانہ حملے میں زخمی ہو گئیں،ہاتھ اور سر پر چوٹیں آئی ہیں،ملزم نےسیکیورٹی گارڈز نے  ملزم کو گرفتار کرلیا۔ذرائع نے بتایا کہ حملہ آور نے پہلے وزیر اعلیٰ کو تھپڑ مارا اور پھر دھکا دیا۔ اس کے بعد اس نے اس کے بالوں کو کھینچ لیا۔

بھارتی میڈیا کے مطابق یہ واقعہ اُس وقت پیش آیا جب دارالحکومت دہلی کی وزیراعلیٰ ریکھا گپتا اپنی رہائش گاہ پر منعقدہ کھلی کچہری میں عوامی مسائل سن رہی تھیں۔ ملزم کے خلاف قتل کی کوشش کا مقدمہ درج کیا گیا ہے۔ اس پر سرکاری ملازم پر حملہ کرنے اور سرکاری کام میں رکاوٹ ڈالنے کا بھی الزام ہے۔

اس دوران مختلف کاغذات تھامے درخواست گزار کے بھیس میں ایک شخص وزیراعلیٰ کے قریب آیا اور گفتگو کے دوران چاقو سے حملہ کردیا۔حملے کے بعد ریکھا گپتا کو فوراً قریبی اسپتال منتقل کیا گیا جہاں ڈاکٹروں کی ایک خصوصی ٹیم ان کا علاج کر رہی ہے۔اسپتال انتظامیہ نے کہا ہے کہ ان کی حالت اب خطرے سے باہر ہے تاہم مکمل رپورٹ جلد سامنے آجائے گی۔

سیکیورٹی اہلکاروں نے فوری طور پر حملہ آور کو قابو میں لے لیا جس کی شناخت راجیش سکاریا کے نام سے ہوئی ہے۔حملہ آور راجیش سکاریا ریاست گجرات کا رہائشی ہے تاہم حملے کی وجوہات تاحال واضح نہیں ہوسکیں۔

پولیس کمشنر ایس بی کے سنگھ نے میڈیا کو بتایا کہ یہ واقعہ ایک سنگین سیکیورٹی ناکامی ہے اور اس حوالے سے اعلیٰ سطح پر انکوائری شروع کر دی گئی۔

ملزم کے خلاف پہلے ہی ایک تھانے میں نو مقدمات درج ہیں۔, اس کی ماں نے میڈیا کو بتایا کہ اس کا بیٹا "کتوں سے محبت کرنے والا” تھا، سپریم کورٹ کے حالیہ فیصلے سے پریشان تھا جس نے دہلی کے حکام کو تمام آوارہ کتوں کو اٹھا کر پناہ گاہوں میں رکھنے کی ہدایت کی تھی۔