ویمنز کرکٹ ورلڈ کپ:پاکستان کا 15 رکنی اسکواڈ کا اعلان

انٹرنیشنل کرکٹ کونسل (آئی سی سی) ویمنز ورلڈ کپ کے لیے پاکستان نے 15 رکنی ٹیم کا اعلان کر دیا۔

فاطمہ ثناء پہلی بار ون ڈے ورلڈ کپ میں قومی ٹیم کی قیادت کریں گی۔ ایونٹ بھارت اور سری لنکا میں 30 ستمبر سے 2 نومبر تک ہوگا جبکہ پاکستان کے تمام میچ سری لنکا میں شیڈول ہیں۔

پاکستانی ٹیم ورلڈ کپ سے قبل جنوبی افریقہ کے خلاف تین ون ڈے انٹرنیشنل میچز بھی کھیلے گی۔

فاطمہ ثناء (کپتان)، منیبہ علی صدیقی، عالیہ ریاض، ڈیانا بیگ، ایمان فاطمہ، نشرا سندھو، نتالیا پرویز، عمائمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ۔

نتالیا پرویز، رامین شمیم، صدف شمس، سعدیہ اقبال، شوال ذوالفقار اور سیدہ عروب شاہ پہلی بار ون ڈے ورلڈ کپ کھیلیں گی۔

کوالیفائر اسکواڈ میں دو تبدیلیاں کی گئی ہیں۔ گل فیروزہ اور نجيحہ علوی اسکواڈ سے باہر ہو گئیں، جبکہ نان ٹریولنگ ریزروز میں گل فیروزہ، نجيحہ علوی، طوبیٰ حسن، ام ہانی اور وحیدہ اختر شامل کی گئی ہیں۔