پی سی بی کا انقلابی اقدام: کرکٹ کے ساتھ تعلیم بھی مفت

پاکستان کرکٹ بورڈ (پی سی بی) نے فیصلہ کیا ہے کہ وہ نوجوان کھلاڑیوں کو کرکٹ کے ساتھ ساتھ تعلیم کے مواقع بھی فراہم کرے گا اور ان کے تعلیمی اخراجات برداشت کرے گا۔

منصوبے کے تحت انڈر-15 سے انڈر-19 تک کے کھلاڑی سال بھر کے لیے مختلف اکیڈمیوں میں رہیں گے جہاں کرکٹ کے ساتھ تعلیم بھی دی جائے گی۔ سیالکوٹ اکیڈمی انڈر-15، فیصل آباد اکیڈمی انڈر-17 اور ملتان اکیڈمی انڈر-19 کھلاڑیوں کے لیے مختص ہوگی۔ ان اکیڈمیوں کے لیے کھلاڑیوں کا انتخاب ریجنل کرکٹ کی کارکردگی کی بنیاد پر کیا جائے گا۔

پی سی بی کھلاڑیوں کے اسکول اور کالج داخلے سمیت تمام تعلیمی اخراجات برداشت کرے گا جبکہ کرکٹ ٹریننگ بھی مہیا کی جائے گی۔

اس کے علاوہ کراچی اکیڈمی کو ویمن کرکٹرز، شاہینز اور اے ٹیم کی سرگرمیوں کے لیے مخصوص کیا گیا ہے۔