فخر زمان کی T20 انٹرنیشنل میچز کی سنچری

پاکستان کرکٹ ٹیم کے اوپنر فخر زمان نے ٹی ٹوئنٹی انٹرنیشنل کرکٹ میں اپنے 100 میچ مکمل کرلیے۔

شارجہ کرکٹ اسٹیڈیم میں منگل کو افغانستان کے خلاف سہ ملکی سیریز کے چوتھے میچ کے دوران فخر نے یہ سنگ میل عبور کیا۔

فخر زمان نے 2017 میں ویسٹ انڈیز کے خلاف اپنے ٹی ٹوئنٹی کیریئر کا آغاز کیا تھا۔ اپنے سوویں میچ میں وہ 25 رنز بنا سکے۔

وہ پاکستان کے چھٹے کرکٹر ہیں جنہوں نے 100 ٹی ٹوئنٹی انٹرنیشنل میچز کھیلنے کا اعزاز حاصل کیا۔ اس سے قبل بابر اعظم، محمد حفیظ، شعیب ملک، شاداب خان اور محمد رضوان بھی یہ کارنامہ انجام دے چکے ہیں۔