غزہ امدادی فلوٹیلا پر ڈرون حملہ، مسافر محفوظ

غزہ کے محصور عوام کے لیے امداد لے جانے والے صمود فلوٹیلا کو تیونس میں ڈرون حملے کا نشانہ بنایا گیا۔ غیر ملکی ذرائع کے مطابق ڈرون حملے کے نتیجے میں مرکزی کشتی میں آگ بھڑک اٹھی، تاہم عملہ اور مسافر محفوظ رہے۔

گلوبل صمود فلوٹیلا تنظیم نے واقعے کی ویڈیو جاری کی ہے۔ امدادی قافلے میں دنیا کے مختلف ممالک سے تعلق رکھنے والے 350 انسانی حقوق کے کارکن اور رضاکار شریک ہیں۔

فریڈم فلوٹیلا کولیشن کے مطابق حملہ ان کی مرکزی کشتی پر کیا گیا، جس میں اسٹیئرنگ کمیٹی کے ارکان بھی موجود تھے۔ خوش قسمتی سے کسی جانی نقصان کی اطلاع نہیں ملی۔