طالبان کی زیر حراست برطانوی جوڑے کی 8 ماہ بعد رہائی

کابل: طالبان کے ہاتھوں تقریباً آٹھ ماہ سے زیر حراست برطانوی جوڑے کو رہا کر دیا گیا ہے۔

80 سالہ پیٹر رینالڈز اوران کی 76 سالہ اہلیہ باربی جو تقریباً دو دہائیوں سے افغانستان میں مقیم ہیں، گھر جا رہے تھے جب انھیں یکم فروری کو روکا گیا۔ جوڑے کو قطری ثالثی کے ذریعے رہا کیا گیا۔

ایک قطری اہلکار نے کہا کہ وہ افغانستان کے صوبہ بامیان میں مستقل گھر ہونے کے باوجود برطانیہ جانے سے پہلے طبی معائنے کے لیے قطر جائیں گے۔

طالبان نے کہا تھا کہ اس جوڑے نے افغان قوانین کی خلاف ورزی کی تھی اور انہیں عدالتی کارروائی کے بعد رہا کر دیا گیا۔

پیٹر اور باربی رینالڈس نے 1970 میں کابل میں شادی کی اور گزشتہ 18 سال سے ایک خیراتی تربیتی پروگرام چلاتے ہوئے گزارے جس کی طالبان نے بھی منظوری دی تھی۔