مسلسل دوسری سنچری،محسن نقوی کی سدرہ امین کو مبارکباد

لاہور: پاکستان کرکٹ بورڈ (پی سی بی) کے چیئرمین محسن نقوی نے قومی ویمن ٹیم کی اوپنر **سدرہ امین** کو ساؤتھ افریقہ کے خلاف مسلسل دوسری سنچری بنانے پر مبارکباد دی ہے۔

پی سی بی کے مطابق محسن نقوی نے کہا کہ سدرہ امین نے دونوں میچز میں شاندار بلے بازی سے ٹیم کا وقار بلند کیا، ان کی اننگز جتنی بھی تعریف کی جائے کم ہے۔

چیئرمین پی سی بی نے مزید کہا کہ سدرہ امین نے اپنی محنت اور صلاحیتوں کے ذریعے بہترین کارکردگی کا مظاہرہ کیا ہے اور امید ہے کہ ورلڈ کپ میں بھی وہ اسی تسلسل کو برقرار رکھیں گی۔