ویمنز کرکٹ ورلڈ کپ 2025: لیگ میچز کے امپائرز اور ریفریز کا اعلان

 

انٹرنیشنل کرکٹ کونسل (آئی سی سی) نے ویمنز کرکٹ ورلڈ کپ کے لیگ میچز کے آفیشلز کے ناموں کا اعلان کر دیا ہے۔

ورلڈ کپ کا پہلا میچ 30 ستمبر کو بھارت اور سری لنکا کے درمیان گوہاٹی میں کھیلا جائے گا، جس میں کلیئر پولوسک اور ایلوئس شیریڈن آن فیلڈ امپائرز کے فرائض انجام دیں گی۔

دو اکتوبر کو پاکستان اور بنگلادیش کے میچ کے لیےلورین ایگن باگ زاور نمالی پریرا امپائرز مقرر کی گئی ہیں۔

اہم بات یہ ہے کہ آئی سی سی ویمنز ورلڈ کپ میں پہلی بار تمام میچ آفیشلز خواتین پر مشتمل ہیں۔ ایونٹ کے دوران **4 میچ ریفریز** اور **14 امپائرز** ذمہ داریاں نبھائیں گی۔

ویمنز کرکٹ ورلڈ کپ 2025 بھارت اور سری لنکا میں منعقد ہوگا۔