ایشیا کپ ، فخر زمان کے متنازع کیچ آؤٹ پر پاکستان میں سوال اٹھنا شروع ہو گئے

ابو ظہبی: ایشیا کپ کے اہم میچ میں فخر زمان کے متنازع کیچ آؤٹ نے نیا تنازع کھڑا کر دیا۔ سینیئر صحافی سید طلعت حسین نے سماجی رابطے کی ویب سائٹ پر اپنے ردعمل میں کہا کہ "فخر زمان آؤٹ نہیں تھے، تھرڈ امپائر مکمل طور پر جانبدار رویہ اختیار کیے ہوئے ہے، پورے ٹورنامنٹ میں اسی طرح کے فیصلے دیے گئے، یہ انتہائی شرمناک کردار ہے۔

"پاکستان تحریک انصاف کے رہنما چوہدری فواد حسین نے بھی فیصلے پر کڑی تنقید کرتے ہوئے کہا کہ "گیند نے واضح طور پر زمین کو پہلے چھوا تھا، یہ انتہائی ناقص فیصلہ ہے۔”فخر زمان کے کیچ آؤٹ پر شائقین کرکٹ اور ماہرین کی جانب سے شدید ردعمل سامنے آ رہا ہے اور سوشل میڈیا پر امپائرنگ کے معیار پر سوالات اٹھائے جا رہے ہیں۔