پی سی بی کا بھارتی کپتان کے بعد ارشدیپ سنگھ کے خلاف بھی ایکشن

پاکستان کرکٹ بورڈ (پی سی بی) نے بھارتی کپتان سوریا کمار یادیو کے خلاف کارروائی کے بعد بھارتی فاسٹ بولر ارشدیپ سنگھ کے خلاف بھی ایکشن لے لیا ہے۔

ذرائع کے مطابق، پی سی بی نے ارشدیپ سنگھ کے خلاف انٹرنیشنل کرکٹ کونسل (آئی سی سی) میں درخواست دائر کی ہے، جس میں کہا گیا ہے کہ بھارتی بولر نے آئی سی سی کوڈ آف کنڈکٹ کی خلاف ورزی کی ہے۔

پی سی بی کے دعوے کے مطابق، ارشدیپ نے 21 ستمبر کو میچ کے اختتام پر تماشائیوں کو غیر اخلاقی اشارے کیے، جس سے کھیل کی ساکھ متاثر ہوئی۔ درخواست میں مطالبہ کیا گیا ہے کہ آئی سی سی ارشدیپ سنگھ کے خلاف ضابطہ اخلاق کی خلاف ورزی پر کارروائی کرے۔

یاد رہے کہ اس سے قبل پاکستان کرکٹ بورڈ نے بھارتی کپتان سوریا کمار یادیو کے خلاف بھی آئی سی سی کو خط لکھا تھا، جسے آئی سی سی نے تسلیم کیا۔ پی سی بی کے مطابق سوریا کمار نے کھیل کو سیاست میں ملوث کیا اور اس کی ساکھ کو نقصان پہنچایا۔

—