پی سی بی نے قومی کرکٹرز کے این او سی معطل کردیے، بڑے نام متاثر

لاہور: پاکستان کرکٹ بورڈ (پی سی بی) نے قومی کرکٹرز کو غیر ملکی لیگز میں شرکت کے لیے جاری کیے گئے این او سی معطل کردیے ہیں۔

تفصیلات کے مطابق ایشیا کپ ٹی ٹوئنٹی فائنل میں بھارت کے ہاتھوں شکست کے ایک روز بعد پی سی بی کی جانب سے یہ فیصلہ سامنے آیا۔ پی سی بی کے چیف آپریٹنگ آفیسر سمیر احمد کی جانب سے اس سلسلے میں باضابطہ نوٹیفکیشن جاری کیا گیا ہے۔

ذرائع کے مطابق معطل کیے گئے این او سی آسٹریلیا کی بگ بیش لیگ سمیت دیگر غیر ملکی ٹورنامنٹس میں شرکت کے لیے دیے گئے تھے، تاہم اب یہ فیصلے مؤخر کردیے گئے ہیں۔

این او سی معطلی سے پاکستان کے نمایاں کھلاڑی براہِ راست متاثر ہوں گے جن میں بابراعظم، شاہین شاہ آفریدی، محمد رضوان اور فہیم اشرف شامل ہیں۔