پاک،جنوبی افریقا ٹیسٹ سیریز کی نشریاتی تفصیلات جاری

لاہور: پاکستان اور جنوبی افریقا کے درمیان ہونے والی ٹیسٹ سیریز کی نشریاتی تفصیلات جاری کر دی گئی ہیں۔

ذرائع کے مطابق سیریز کی کمنٹری ٹیم میں معروف سابق کھلاڑی شامل ہیں جن میں پاکستان کے سابق کپتان عامر سہیل، رمیز راجہ، وقار یونس اور بازید خان شامل ہیں، جبکہ جنوبی افریقا کی جانب سے سابق کپتان شان پولک براڈکاسٹ پینل کا حصہ ہوں گے۔

وائٹ بال سیریز کے لیے الگ کمنٹری پینل ترتیب دیا گیا ہے جس میں عامر سہیل، رمیز راجہ، عروج ممتاز، جے پی ڈومنی اور ورنن فلینڈر شامل ہیں۔

سیریز کی نشریات جدید ترین ہائی ڈیفینیشن براڈکاسٹ میں کی جائیں گی، جس میں 28 کیمرے، بگی کیم، ہاک آئی اور الٹرا ایج ڈی آر ایس ٹیکنالوجی شامل ہوگی تاکہ شائقین کو بہترین دیکھنے کا تجربہ فراہم کیا جا سکے۔

دونوں ٹیموں کے درمیان پہلا ٹیسٹ 12 اکتوبر سے لاہور جبکہ دوسرا ٹیسٹ 20 اکتوبر سے راولپنڈی اسٹیڈیم میں کھیلا جائے گا۔

دوسری جانب جنوبی افریقہ کی ٹیم کا پہلا گروپ لاہور پہنچ چکا ہے، جبکہ دوسرا گروپ صبح لاہور پہنچے گا۔ واضح رہے کہ ٹیم بدھ کو دو حصوں میں پاکستان پہنچی تھی۔