پاکستان نے جنوبی افریقا کے خلاف ایک وکٹ کے نقصان پر107 رنز بنا لیے

لاہور: دو ٹیسٹ میچوں کی سیریز کے پہلے میچ میں پاکستان نے جنوبی افریقا کے خلاف پہلی اننگز میں ایک وکٹ کے نقصان پر 107 رنز بنائے ہیں۔

قذافی اسٹیڈیم میں کھیلے جا رہے میچ میں کپتان شان مسعود نے ٹاس جیت کر بیٹنگ کا فیصلہ کیا۔ ابتدائی بلے باز عبداللہ شفیق 2 رنز پر آؤٹ ہوئے، جس کے بعد شان مسعود اور امام الحق ذمہ دارانہ بیٹنگ کر رہے ہیں۔ کھانے کے وقفے تک امام الحق 59 اور شان مسعود 44 رنز کے ساتھ وکٹ پر موجود ہیں۔

پاکستانی ٹیم میں شان مسعود (کپتان)، بابر اعظم، محمد رضوان (وکٹ کیپر)، امام الحق، عبداللہ شفیق، شاہین آفریدی، نعمان علی، سعود شکیل، سلمان علی آغا، ساجد خان اور حسن علی شامل ہیں۔