پاک،افغان جنگ کی اطلاعات ملی ہیں، معاملہ دیکھنا ہوگا،ڈونلڈ ٹرمپ

پاکستان اور افغانستان کے درمیان جنگ کی خبریں سنیں، معاملہ دیکھنا ہوگا: ڈونلڈ ٹرمپ

امریکی صدر ڈونلڈ ٹرمپ نے کہا ہے کہ انہوں نے سنا ہے کہ پاکستان اور افغانستان کے درمیان جنگ جاری ہے اور وہ امریکا واپسی پر اس معاملے کو دیکھیں گے۔

ائیر فورس ون میں صحافیوں سے گفتگو کرتے ہوئے ٹرمپ نے کہا کہ وہ جنگیں ختم کرنے میں ماہر ہیں اور ایک بار پھر کوشش کریں گے۔ ان کا کہنا تھا کہ ماضی میں پاکستان اور بھارت کے درمیان تنازع بھی ٹیرف پالیسی کے ذریعے روکا گیا تھا۔

ڈونلڈ ٹرمپ نے کہا کہ ان کے لیے سب سے بڑی کامیابی جانیں بچانا ہے، نوبیل انعام حاصل کرنا ان کا مقصد نہیں۔

غزہ سے متعلق گفتگو میں ٹرمپ نے کہا کہ غزہ میں جنگ ختم ہوچکی ہے اور جنگ بندی برقرار رہے گی۔ انہوں نے بتایا کہ غزہ کے لیے “بورڈ آف پیس” جلد قائم کیا جائے گا، جبکہ یرغمالیوں کی رہائی مقررہ وقت سے پہلے ممکن ہے۔