اسرائیلی جیلوں سے 1968 فلسطینی قیدی رہا

دوسرے گروہ کو کیتزیوٹ جیل سے جنوبی اسرائیل میں واقع کریم شالوم منتقل کیا گیا تھا جو غزہ میں داخل ہونے والے سرحدی راستوں میں سے ایک ہے۔بیان میں کہا گیا ہے کہ قیدیوں کو اسرائیلی جیل کے افسران پولیس کی مدد سے اپنے ساتھ لے گئے۔

فلسطینی قیدیوں کو لے کر اسرائیلی جیلوں سے روانہ ہونے والی بسیں رام اللہ پہنچ گئیں۔

العربیہ اور الجزیرہ کی لائیو فوٹیج میں دکھایا گیا ہے کہ رہائی پانے والے فلسطینی قیدیوں کی بڑی تعداد کو استقبال کے لیے شہریوں نے خوش آمدید کہا۔

اس سے قبل جنوبی اسرائیل کی نیگیو جیل (Negev Prison) سے بھی کئی بسیں غزہ کی جانب روانہ کی گئی تھیں جن میں مزید فلسطینی قیدی سوار تھے۔

یہ رہائیاں غزہ جنگ بندی اور یرغمالیوں کے تبادلے کے معاہدے کے تحت کی جا رہی ہیں۔ فلسطینی عوام اپنے پیاروں کی واپسی پر خوشی سے جھوم اٹھے، جبکہ مختلف شہروں میں جشن منانے کے مناظر دیکھے گئے۔