غزہ معاملہ ، امریکی نائب صدر اسرائیل پہنچ گئے

تل ابیب: غزہ کے معاملات پر غیریقینی صورتحال سے نمٹنے کے لیے امریکی نائب صدر جے ڈی وینس اسرائیل پہنچ گئے ہیں۔

عرب میڈیا کے مطابق جے ڈی وینس جنگ بندی کے بعد اسرائیل اور حماس کی جانب سے ایک دوسرے پر جنگ بندی کی خلاف ورزی کے معاملات پر بات چیت کریں گے۔جے ڈی وینس کے اس دورے میں انکی اہلیہ بھی ان کے ہمراہ  ہیں۔

امریکی نائب صدر سرحدیں کھولنے، امداد کی رسائی کو یقینی بنانے اور یرغمالیوں کی لاشوں کے تبادلے پر دونوں جانب بات چیت کریں گے۔

اسرائیل پر جنگ بندی کی خلاف ورزی کا الزام

دوسری جانب امیر قطر جو غزہ کے معاملے میں مصالحت کار کا کردار ادا کر رہے تھے انہوں نے کہا کہ اسرائیل نے حماس کی پوزیشنز پر حملہ کر کے جنگ بندی کی خلاف ورزی کی ہے۔

مصری انٹیلی جنس چیف کی نیتن یاہو سے ملاقات

مصری انٹیلی جنس کے سربراہ اور اسرائیلی وزیر اعظم نیتن یاہو کی ملاقات ہوئی ہے۔ 

تل ابیب سے نیتن یاہو کے آفس کے مطابق اس ملاقات میں امریکی صدر کے امن منصوبے سے متعلق امور پر تبادلہ خیال کیا گیا۔

نیتن یاہو آفس کے مطابق اس موقع پر اسرائیل اور مصر کے تعلقات اور امن کو مضبوط بنانے سے متعلق امور پر بھی تبادلہ خیال کیا گیا۔