پنڈی ٹیسٹ:جنوبی افریقا کی 210 رنز پر7 وکٹیں گرگئیں

راولپنڈی میں کھیلے جانے والے دوسرے ٹیسٹ میچ میں پاکستان کے 333 رنز کے جواب میں جنوبی افریقہ کی بیٹنگ جاری ہے ، تیسرے روز کھیل کے آغاز پر جنوبی افریقہ کی 210 رنز7 وکٹیں گر گئیں۔

پنڈی ٹیسٹ کے تیسرے روز کھیل کا آغاز ہوتے ہی پاکستان نے پہلے اوور میں کامیابی حاصل کرلی۔

جنوبی افریقا نے 185 رنز 4 کھلاڑی آؤٹ پر اننگز کا آغاز کیا تو آصف آفریدی کی چوتھی گیند پر کائل ویرین محمد رضوان کو کیچ تھما بیٹھے۔ چھٹی اور ساتویں وکٹ 210 پر گر گئی

گزشتہ روز پاکستان کے 333 رنز کے جواب میں جنوبی افریقا نے اپنی پہلی اننگز کا آغاز کیا تو 22 کے مجموعی اسکور پر ریان ریکلٹن 14 رنز بناکر شاہین آفریدی کا شکار بن گئے۔

ٹونی ڈی زورزی 55، کپتان ایڈن مارکرم 32 اور ڈیوالڈ بریوس بغیر کوئی رن بنائے آؤٹ ہوئے تھے۔