جنوبی افریقہ سیریز کے لیے قومی وائٹ بال اسکواڈز کا اعلان

لاہور: پاکستان کرکٹ بورڈ (پی سی بی) نے جنوبی افریقہ اور سہ ملکی سیریز کے لیے وائٹ بال اسکواڈز کا اعلان کر دیا۔ بابر اعظم اور نسیم شاہ کی ٹی 20 ٹیم میں واپسی ہوئی ہے۔

پی سی بی کے مطابق ٹی 20 انٹرنیشنل کے لیے 15 رکنی جبکہ ون ڈے کے لیے 16 رکنی اسکواڈ منتخب کیا گیا ہے۔

پاکستان اور جنوبی افریقہ کے درمیان ٹی 20 سیریز 28 اکتوبر سے یکم نومبر تک کھیلی جائے گی، جب کہ ون ڈے سیریز فیصل آباد میں 4 سے 8 نومبر تک جاری رہے گی۔

سہ ملکی سیریز، جس میں سری لنکا اور زمبابوے شامل ہیں، 17 سے 29 نومبر تک راولپنڈی اور لاہور میں ہوگی۔ بعد ازاں پاکستان اور سری لنکا کے درمیان ون ڈے سیریز 11 سے 15 نومبر تک راولپنڈی میں کھیلی جائے گی۔

عثمان طارق پہلی بار ٹی 20 اسکواڈ کا حصہ بنے ہیں، جب کہ بابر اعظم، عبدالصمد اور نسیم شاہ کی ٹیم میں واپسی ہوئی ہے۔ فیصل اکرم، حارث رؤف اور حسیب اللہ ون ڈے اسکواڈ میں واپس آئے ہیں۔

ٹی 20 ٹیم کی قیادت سلمان علی آغا کریں گے، جب کہ شاہین شاہ آفریدی کو ون ڈے ٹیم کا کپتان مقرر کیا گیا ہے۔

ٹی 20 اسکواڈ: سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر)، عثمان طارق۔

ون ڈے اسکواڈ: شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا۔