حماس لاشیں واپس نہ کرے توامن ممالک کارروائی کریں گے،ٹرمپ

امریکی صدر ڈونلڈ ٹرمپ نے خبردار کیا ہے کہ اگر حماس نے یرغمالیوں کی لاشیں واپس نہ کیں تو امن معاہدے میں شامل ممالک کارروائی کریں گے۔

غیر ملکی خبر رساں ادارے کے مطابق صدر ٹرمپ نے کہا کہ غزہ میں موجود یرغمالیوں کی واپسی کے حوالے سے آئندہ 48 گھنٹوں میں پیش رفت پر گہری نظر رکھی جا رہی ہے۔

انہوں نے واضح کیا کہ اگر حماس نے تعاون نہ کیا تو امن معاہدے کے دستخط کنندہ ممالک مشترکہ کارروائی کریں گے۔

دوسری جانب، آسیان سربراہی اجلاس میں شرکت کے لیے ملائیشیا جاتے ہوئے قطر کے دارالحکومت دوحہ میں مختصر قیام کے دوران امیر قطر سے ملاقات میں ڈونلڈ ٹرمپ نے کہا کہ ضرورت پڑی تو قطر غزہ میں امن فوج بھیجنے کو تیار ہے۔