پاکستان اور جنوبی افریقا کےدرمیان پہلا ٹی ٹوئنٹی میچ آج کھیلا جائے گا

اسلام آباد: پاکستان اور جنوبی افریقا کے درمیان تین میچز پر مشتمل ٹی ٹوئنٹی سیریز آج سے شروع ہو رہی ہے۔

راولپنڈی میں شیڈول پہلے میچ کے موقع پر بریسٹ کینسر آگاہی مہم کے لیے پاکستان ٹیم کی خصوصی پنک جرسی متعارف کروائی گئی ہے۔ قومی کھلاڑیوں کے علاوہ جنوبی افریقی ٹیم، امپائرز، عملہ اور کمنٹیٹرز بھی پنک ربن پہن کر اس مہم میں حصہ لیں گے۔ میچ میں استعمال ہونے والے اسٹمپس بھی گلابی رنگ کے ہوں گے تاکہ آگاہی کے پیغام کو مزید اجاگر کیا جا سکے۔

میچ مقامی وقت کے مطابق رات 8 بجے شروع ہوگا۔