نیشنل سیونگ نے بچت اسکیموں کی شرح منافع میں ردوبدل کردیا

اسلام آباد: نیشنل سیونگ نے بچت اسکیموں کی شرح منافع میں ردوبدل کردیا۔

نجی ٹی وی کے مطابق نوٹیفکیشن کے مطابق بچت اسکیموں پر منافع کی نئی شرح 4نومبر سے لاگو ہوگی، ڈیفنس سیونگ سرٹیفکیٹ پر شرح منافع11.3فیصد مقرر کردی گئی۔بہبود ، پنشنر اور شہدا فیملی اکاؤنٹس پر شرح12.72فیصد مقرر ہو گئی۔

نوٹیفکیشن کے مطابق ریگولر انکم سرٹیفکیٹ پر شرح منافع10.92فیصد ہوگی،اسپیشل سیونگ سرٹیفکیٹس و اکاؤنٹس پر شرح منافع 10.60فیصد مقررکردی،شارٹ ٹرم انویسٹمنٹ، سیونگ سرٹیفکیٹس پر منافع 10.44فیصد ہوگا۔

سیونگ اکاؤنٹ کی شرح منافع9.50فیصد برقرارہے۔ثروا اسلامک سیونگ اکاؤنٹ کی سالانہ شرح منافع 9.92فیصد پر برقرارہے۔