راولپنڈی،پاکستان اور سری لنکا کے درمیان پہلا ون ڈےآج کھیلا جائےگا

راولپنڈی: پاکستان اور سری لنکا کے درمیان تین ون ڈے میچز کی سیریز کا پہلا میچ آج راولپنڈی کرکٹ سٹیڈیم میں کھیلا جائے گا۔ سیریز کے لیے ٹرافی کی رونمائی بھی کر دی گئی ہے۔

سیریز کے بعد، 17 نومبر سے تین ٹیموں پر مشتمل ٹی ٹوئنٹی ٹرائی سیریز کا آغاز ہوگا، جس میں پاکستان، زمبابوے اور سری لنکا حصہ لیں گے۔ قومی کپتان شاہین شاہ آفریدی نے کہا کہ پہلی بار ہوم گراؤنڈ پر جنوبی افریقہ کے خلاف ون ڈے سیریز جیتنے کے بعد، محمد رضوان سے مشاورت کے بعد کپتانی قبول کی ہے۔

سری لنکن کپتان نے پاکستان کی مہمان نوازی کی تعریف کی اور کہا کہ جنوبی افریقہ کے خلاف پاکستان نے شاندار کارکردگی دکھائی۔

بین الاقوامی ایک روزہ سیریز کے میچ آفیشلز کا بھی اعلان کر دیا گیا ہے۔ پہلے ون ڈے میچ میں الیگزینڈروارف اور آصف یعقوب آن فیلڈ امپائرز ہوں گے، جبکہ سائقَت شرف الدولہ تھرڈ اور راشد ریاض فورتھ امپائر مقرر کیے گئے ہیں۔

دوسرے میچ میں سائقَت شرف الدولہ اور فیصل آفریدی آن فیلڈ امپائرز کی ذمہ داری نبھائیں گے، اور الیگزینڈر وارف تھرڈ، آصف یعقوب فورتھ امپائر ہوں گے۔ تیسرے میچ کے لیے الیگزینڈر وارف اور راشد ریاض آن فیلڈ، جبکہ سائقَت شرف الدولہ تھرڈ اور فیصل آفریدی فورتھ امپائر مقرر کیے گئے ہیں۔