زمبابوے نے سہ ملکی ٹی ٹوئنٹی سیریز کے لیے اسکواڈ کا اعلان کر دیا

زمبابوے نے پاکستان اور سری لنکا کے خلاف ہونے والی سہ ملکی ٹی ٹوئنٹی سیریز کے لیے 15 رکنی اسکواڈ کا اعلان کیا ہے، جس کی قیادت پاکستانی نژاد سکندر رضا کریں گے۔

فاسٹ بولر بلیسنگ مزارابانی کمر کی انجری کی وجہ سے ٹیم سے باہر ہو گئے ہیں، اور ان کی جگہ نیومین نیامہوری کو شامل کیا گیا ہے۔

زمبابوے کی ٹیم اپنی مہم کا آغاز 17 نومبر کو میزبان پاکستان کے خلاف راولپنڈی میں کرے گی، اس کے بعد 19 نومبر کو سری لنکا سے مقابلہ ہوگا۔ لاہور میں 23 اور 25 نومبر کو دوبارہ میچز ہوں گے، جبکہ سہ ملکی سیریز کا فائنل 29 نومبر کو لاہور میں کھیلا جائے گا۔

زمبابوے کا اسکواڈ:
سکندر رضا (کپتان)، برائن بینیٹ، ریان برل، گریم کریمر، بریڈلی ایونز، کلائیو مڈانڈے، ٹینوٹینڈا ماپوسا، ویلنگٹن مساکاڈزا، تادیواناشے مارومانی، ٹونی مونیونگا، تاشینگا میوزیکیوا، ڈیون مائرز، رچرڈ نگاراوا، نیومین نیامہوری، برینڈن ٹیلر۔