اسرائیل نے فلسطینی ریاست کو قبول کرنے سے انکار کر دیا

اسرائیلی وزیر اعظم بنجمن نیتن یاہو اور دیگر حکومتی ارکان نے اقوام متحدہ کی سلامتی کونسل میں امریکی حمایت یافتہ غزہ امن منصوبے کی توثیق پر ووٹنگ سے قبل فلسطینی ریاست کو قبول کرنے سے انکار کر دیا ہے۔

میڈیا رپورٹس کے مطابق قرارداد کا مسودہ امریکی صدر ڈونلڈ ٹرمپ کی ثالثی میں اسرائیل اور حماس کے درمیان جنگ بندی معاہدے کی پیروی کرتا ہے، جس میں غزہ میں عبوری انتظامیہ اور عارضی بین الاقوامی سیکورٹی فورس کی تعیناتی شامل ہے۔

اسرائیل کی حکومت نے واضح کیا ہے کہ مستقبل میں ممکنہ فلسطینی ریاست کا ذکر اس کے موقف کے خلاف ہے اور نیتن یاہو نے کابینہ اجلاس میں کہا کہ فلسطینی ریاست کی تشکیل حماس کو مضبوط کرے گی اور اسرائیل کی سرحدوں پر خطرات پیدا کرے گی۔