ریچھوں کو آبادی سے دور رکھنے کے لیے بھونکنے والے ڈرون تعینات

جاپان کے شہر ہدا میں ریچھوں کو آبادی سے دور رکھنے کے لیے بھونکنے والے ڈرون تعینات کیے گئے ہیں۔

غیر ملکی میڈیا کے مطابق ڈرون اسپیکر سے لیس ہیں جو شکاری کتوں کی آوازیں خارج کرتے ہیں تاکہ ریچھ خوفزدہ ہو کر پہاڑوں کی گہرائی کی طرف واپس جائیں۔ اس کے علاوہ ریچھوں کو آبادی سے دور رکھنے کے لیے آتش بازی بھی استعمال کی گئی۔

واضح رہے کہ رواں سال اپریل سے اب تک جاپان میں ریچھوں کے حملوں میں 220 افراد زخمی ہو چکے ہیں جبکہ مختلف باغات کے پھلوں کو بھی کافی نقصان پہنچا ہے۔ یہ اقدامات آبادی اور زرعی پیداوار کو محفوظ بنانے کے لیے کیے جا رہے ہیں۔