جاپان:اوئیتا شہر میں خوفناک آگ بھڑک اٹھی،170 عمارتیں تباہ

 

 

جاپان کے شہر اوئیتا میں خوفناک آگ بھڑک اٹھی جس نے 170 سے زائد عمارتیں تباہ کر دیں جبکہ ایک شخص اب تک لاپتہ ہے۔ رائٹرز کے مطابق آگ منگل کو شام تقریباً 5:40 بجے ساگانو سیکی علاقے میں شروع ہوئی اور دیکھتے ہی دیکھتے بڑے علاقے کو اپنی لپیٹ میں لے لیا۔

فوری طور پر تقریباً 175 رہائشیوں کو ہنگامی شیلٹر منتقل کیا گیا۔ آگ نے نہ صرف رہائشی عمارتوں کو نقصان پہنچایا بلکہ قریبی جنگلاتی پہاڑی علاقوں تک بھی پھیل گئی۔ ایریل فوٹیج میں ملبے اور دھوئیں کے گھنے بادل آسمان کی جانب اٹھتے دیکھے گئے۔

اوئیتا قصبہ اپنے مشہور ”سیکی میکرل“ مچھلی کی پیداوار کے لیے جانا جاتا ہے۔ حکام نے آگ لگنے کی وجوہات کی تحقیقات شروع کر دی ہیں۔ جاپانی وزیراعظم سانائے تاکائیچی نے ٹوئٹر پر بتایا کہ گورنر کی درخواست پر فوجی فائر فائٹنگ ہیلی کاپٹر بھیجا گیا تاکہ آگ پر قابو پایا جا سکے۔ شہریوں کی حفاظت اور ملبے سے بچاؤ کے کام جاری ہیں۔