سونے کی قیمت میں ایک ہی دن بڑا اضافہ، چار لاکھ سے کتنا اوپر گیا

ملک بھر میں فی تولہ سونا 7 ہزار 900 روپے بڑھ کر 4 لاکھ 31 ہزار 562 روپے کا ہوگیا، جب کہ عالمی مارکیٹ میں بھی سونا 79 ڈالر مہنگا ہوکر 4 ہزار 92 ڈالر تک پہنچ گیا۔

آل پاکستان صرافہ جیمز اینڈ جیولرز ایسوسی ایشن کے مطابق کاروباری ہفتے کے تیسرے روز 24 قیراط سونے کی فی تولہ قیمت 4 لاکھ 23 ہزار 662 روپے سے بڑھ کر 4 لاکھ 31 ہزار 562 روپے ہوگئی۔ اسی طرح 10 گرام سونے کی قیمت میں 6 ہزار 773 روپے کا اضافہ ریکارڈ ہوا جس سے نئی قیمت 3 لاکھ 69 ہزار 994 روپے ہوگئی۔

عالمی مارکیٹ میں بھی سونے کی قیمت میں اضافے کا رجحان برقرار رہا اور فی اونس سونا 79 ڈالر بڑھ کر 4 ہزار 92 ڈالر کا ہوگیا۔

چاندی کی قیمتوں میں بھی اضافہ ریکارڈ کیا گیا اور فی تولہ ریٹ 177 روپے بڑھ کر 5 ہزار 22 روپے جبکہ 10 گرام چاندی 152 روپے اضافے کے ساتھ 4 ہزار 648 روپے ہوگئی۔