پیوٹن نے یوکرین کے لیے ٹرمپ کے امن منصوبے کی حمایت کر دی

روسی صدر ولادیمیر پیوٹن نے یوکرین کے ساتھ جنگ بندی کے لیے امریکی امن منصوبے کی حمایت کا اعلان کیا ہے۔ پیوٹن نے کہا کہ اس منصوبے میں روس کے کئی اہم مطالبات شامل کیے گئے ہیں اور اس پر بات چیت کے امکانات موجود ہیں۔

روسی صدر نے خبردار کیا کہ اگر یوکرین اس معاہدے کو مسترد کرتا ہے تو روس مزید علاقوں پر قبضہ کر سکتا ہے، جیسا کہ حال ہی میں یوکرین کے علاقے کیپیانسک پر قبضہ کیا گیا۔

پیغام میں پیوٹن نے یوکرینی صدر ولادیمیر زیلنسکی کو بتایا کہ امریکی 28 نکاتی امن منصوبہ یوکرین کے لیے حتمی امن معاہدے کی بنیاد بن سکتا ہے۔

امریکی صدر ڈونلڈ ٹرمپ نے یوکرین کو امن معاہدہ قبول کرنے کے لیے جمعرات تک کا وقت دیا ہے، اور عالمی برادری اس معاملے کو قریبی نظر سے دیکھ رہی ہے۔