سابق انٹرنیشنل کرکٹ امپائر خضر حیات انتقال کر گئے

لاہور: سابق انٹرنیشنل کرکٹ امپائر خضر حیات لاہور میں 86 سال کی عمر میں انتقال کر گئے۔

خاندانی ذرائع کے مطابق وہ کچھ عرصے سے علیل تھے۔ خضر حیات نے پاکستان ریلویز کی جانب سے فرسٹ کلاس کرکٹ بھی کھیلی اور 70 کی دہائی میں امپائرنگ کا آغاز کیا۔ انہوں نے 34 ٹیسٹ اور 57 ون ڈے انٹرنیشنل میچز میں امپائرنگ کی جبکہ تین ورلڈ کپ کے میچز میں بھی اپنی خدمات انجام دیں۔

امپائرنگ سے ریٹائرمنٹ کے بعد خضر حیات پاکستان کرکٹ بورڈ سے منسلک رہے اور کرکٹ کے فروغ کے لیے مختلف ذمہ داریاں انجام دیتے رہے۔ ان کی خدمات کو کرکٹ کے حلقوں میں یاد رکھا جائے گا۔