برطانیہ میں سیاسی پناہ: پاکستانی سرفہرست، 11 ہزار درخواستیں جمع

برطانیہ میں 2024 میں سیاسی پناہ (اسائلم) کے لیے جمع کرائی گئی 40 ہزار درخواستوں میں پاکستانی سب سے آگے ہیں۔ دی ٹیلی گراف کی رپورٹ کے مطابق 11 ہزار سے زائد درخواستیں پاکستانیوں کی تھیں، جو 2022 کے بعد سے پانچ گنا زیادہ ہیں۔

پاکستان 175 ممالک میں اسائلم درخواستوں کے لحاظ سے سرفہرست ہے، اور پناہ کے لیے درخواست دینے والے زیادہ تر افراد وزٹ، ورک یا اسٹوڈنٹ ویزے کے ذریعے قانونی طور پر برطانیہ پہنچے۔

برطانیہ کے شیڈو ہوم سکرٹری کرس فلپ نے سرحدی ویزا سسٹم کے غلط استعمال کو حکومت کی ناکامی قرار دیتے ہوئے کہا کہ اسے روکنے کے لیے سخت اور فیصلہ کن اقدامات کی ضرورت ہے۔