بھارت کو بڑا دھچکا، آرمینیا نے تیجس کی خریداری معطل کر دی

آرمینیا نے دبئی ایئر شو میں بھارتی لڑاکا طیارے تیجس کی تباہی کے بعد ان طیاروں کی خریداری معطل کر دی ہے۔

غیرملکی میڈیا کے مطابق آرمینیا اور بھارت کے درمیان 1.2 بلین ڈالر مالیت کے 12 طیاروں کی خریداری پر بات چیت ہو رہی تھی، اور یہ سودا طے پاتا تو تیجس لڑاکا طیارے کی پہلی بڑی برآمدی ڈیل ہوتی۔

رپورٹس میں بتایا گیا ہے کہ آرمینیا کی جانب سے خریداری منسوخ کرنے پر اسرائیل ایرو اسپیس انڈسٹریز کو بھی دسیوں ملین ڈالر کا نقصان ہوگا، کیونکہ اسرائیل میں تیار کردہ جدید آلات جیسے ریڈار تیجس میں شامل ہیں۔

واضح رہے کہ 21 نومبر کو دبئی ایئر شو کے دوران بھارتی جنگی طیارہ تیجس گر کر تباہ ہو گیا تھا، جس کے نتیجے میں پائلٹ ہلاک ہو گیا تھا۔