ترکیہ کے پہلے بغیر پائلٹ لڑاکا طیارے نے عالمی سطح پر تاریخ رقم کردی

 

ترکیہ کے پہلے بغیر پائلٹ لڑاکا طیارے "کِزِل ایلما” نے عالمی سطح پر تاریخ رقم کرتے ہوئے پہلی بار "گُک دُوغان” ایئر ٹو ایئر میزائل کو جٹ طیارے کے ہدف پر کامیابی سے داغا، جو کسی بھی بغیر پائلٹ جنگی طیارے کی تصدیق شدہ فضائی لڑاکا کامیابی ہے۔

ترکی کی دفاعی کمپنی بائیکر کے مطابق، گُک دُوغان میزائل نے ہدف کو ایسلسان کے تیار کردہ موراد ریڈار کی مدد سے نشانہ بنایا۔ یہ پہلا موقع تھا جب ترکی کے قومی جنگی پلیٹ فارم نے ملکی ریڈار کی گائیڈنس میں مقامی میزائل کو فضائی ہدف پر کامیابی سے استعمال کیا۔

ٹیسٹ مشن کے دوران مرزیفون ایئر بیس سے پانچ ایف-15 لڑاکا طیاروں نے "کِزِل ایلما” کے ساتھ مشترکہ آپریشن کیا، جبکہ پورے مشن کی ریکارڈنگ بائیکر کے ذریعہ کی گئی۔

کِزِل ایلما کے جدید سینسرز، اسٹیلتھ ڈیزائن اور کم ریڈار دِکھائی دینے والی ساخت اسے دشمن کے طیاروں کا پتہ لگانے اور خود کو نظر آنے سے بچانے کی صلاحیت فراہم کرتی ہے۔ طیارے میں موراد ریڈار، ٹوئی گن نشانہ سسٹم اور دیگر مقامی ہتھیار نصب ہیں۔

بائیکر نے 2003 سے بغیر پائلٹ فضائی ٹیکنالوجی میں سرمایہ کاری جاری رکھی ہے اور عالمی ڈرون مارکیٹ میں نمایاں مقام حاصل کیا ہے۔ کمپنی نے 2023 اور 2024 میں ہر سال تقریباً 1.8 ارب ڈالر کی برآمدات کیں، جن میں سے 90 فیصد بیرون ملک سے حاصل ہوئی۔